Perfect University

Universitet haqida qisqacha

Perfect University nisbatan yaqinda o'z faoliyatini olib borishni boshlagan nodavlat ta'lim muassasasi xisoblanadi. Universitet o'z faoliyatida ilmiy-pedagog kadrlar tayyorlash tizimini rivojlantirishga, mamlakat iqtisodiyoti tarmoqlarida innovatsiyalarni joriy etishni rag'batlantirishga, ilmiy tadqiqotlar bilimlari va natijalarini tijoratlashtirish imkoniyatlarini kengaytirishga alohida e'tibor qaratmoqda. Universitetning asosiy maqsadlari quyidagilardan iborat: 1. xalqaro standartlarga javob beradigan sifatli ta'lim berish; 2. xorijiy ta'lim muassasalari vakillari bilan integratsiya asosida ta'lim muhitini yaratish; 3. yuqori malakali kadrlar tayyorlash. Ushbu maqsadlarga erishish uchun universitet barcha kerakli qulayliklarni taqdim etadi, tajribali professor-o'qituvchilar bilan ta'minlaydi, talabalarni keyingi izlanishlari uchun ilhomlantiradi, rag'batlantiradi va qo'llab-quvvatlaydi va oxir-oqibat tegishli sohaning taniqli mutaxassislarini tayyorlaydi. Universitet talabalarni zamonaviy texnologiyalar asosida o'qitadi.